Ambasadori i Bashkimit Evropian, Luigi Soreca ka shprehur mbështetjen e tij ndaj shqiptarëve duke thënë se do të kalojmë pandeminë e COVID-19 së bashku. Mbrëmjen e djeshme, në vendin tonë mbërritën 11.700 doza të vaksinës Pfizer, një donacion nga BE. Soreca përmes një postimi në rrjetin e tij social Twitter shprehet se BE do të jetë gjithmonë krah Shqipërisë në “luftën” me COVID-19 dhe do të dërgojë çdo javë doza të vaksinave.
“Së bashku më të fortë!”, shkruan ai. Kujtojmë se ditën e djeshme përveç 11.700 dozave të vaksinës Pfizer të dhuruara nga BE, në vendin tonë mbërritën edhe 20 mijë doza të AstraZeneca, një donacion nga vendi fqinj, Greqia.
“Skuadra evropian do të ndihmojë shqiptarët në “luftën” me COVID-19 duke vazhduar me më shumë doza të vaksinës Pfizer çdo javë. Ne do të kalojmë se bashku pandeminë! Së bashku më të fortë!”, shkruan Soreca në Twitter.
