Mos e besoni po deshët, por Iva Aliko, këngëtarja që dikur komentohej për format bombastike, është shpallur kampione e Shqipërisë në Body Fitness në Kampionatin Kombëtar të Bodybuilding. Iva postoi disa foto nga konkursi dhe i ka lënë të gjithë pa fjalë me transformimin, aq sa duket sikur është përdorur photoshop. Iva ka publikuar edhe video për ta vërtetuar ndryshimin që ka bërë gjatë sakrificës me stërvitje dhe regjim titan, siç tregon ajo.
“Te dashur miq dhe dashamires! Mundi dhe sakrifica gjithnje shperblehet. Kaq vite stervitje dhe regjim titan, kaq shume durim dhe vetemohim per kauzen e madhe te njohjes se limiteve te tua. Sapo u shpalla Kampione e Shqiperise ne Body Fitness ne Kampionatin Kombetar 2021. Ky vleresim per mua eshte nje pergjegjesi per te perfaqesuar vendin denjesisht ne Kampionate Nderkombetare, si dhe uroj qe ky çmim te jete nje ftese per angazhimin e me shume vajzave ne sportin magjik te Kulturizmit. Falenderoj per besimin, SP e Federates se Bodybuilding z.Rando Kukeli, Trajnerin tim te palodhur Kampionin Abdul Fauaz dhe Kampionin z.Marin Meksi per gjithe keshillat e tij te vyera. Faleminderit te gjithe atyre qe besojne ne forcen e femres”, shkruan Iva Aliko.
