Për herë të parë, Kina ka në plan të dërgojë një anije kozmike që transporton tre astronautë në modulin qendror të stacionit të saj të ri hapësinor. ”Nisja e misionit të parë është planifikuar për në orën 09:22 (01:22 GMT)”, njoftoi agjencia kineze e hapësirës në një konferencë shtypi.
Astronautët kinezë Nie Haisheng, Liu Boming dhe Tang Hongbo pritet të nisen nga aeroporti hapësinor ”Jiuquan” në shkretëtirën Gobi dhe të qëndrojnë në modulin qendror të stacionit të ri për tre muaj.
Orari i fluturimit është planifikuar. Fluturimi i fundit i ngarkesave me materiale dhe karburant u dërgua në fund të majit. Tre astronautë të tjerë do të pasojnë në muajin tetor.
