Një vit pas verës shkatërruese në 2020, ku çdo europian u nxit të vizitonte vendin e tij, sezoni 2021 njoftohet më i thjeshtë në frontin turistik. Me teste PCR, pasaportë shëndetësore, masa dhe maska, vendet po organizohen për të pritur më mirë turistët.
SPANJA Vera 2021 duhet të jetë shumë më e ndritshme për sektorin në Spanjë, destinacioni i dytë më i madh turistik në botë, i cili shpreson të mirëpresë 45 milionë turistë në 2021, sipas objektivit të vendosur nga autoritetet. – Kush mund të hyjë? Udhëtarët nga një numër vendesh janë plotësisht të përjashtuar nga kufizimet dhe mund të hyjnë në Spanjë pa pasur nevojë as të paraqesin një test negativ ose çertifikatë vaksinimi. Këto janë Shqipëria, Australia, Koreja e Jugut, Shtetet e Bashkuara, Izraeli, Japonia, Libani, Zelanda e Re, Maqedonia e Veriut, Ruanda, Serbia, Singapori, Tajlanda, Tajvani, Kina si dhe Hong Kong dhe Makao. Që nga 7 qershori, Spanja gjithashtu ka hapur kufijtë e saj për turistët nga e gjithë bota të cilët janë plotësisht të vaksinuar. Europianët e pavaksinuar mund të vijnë nëse kanë një test negativ (antigjen ose PCR) brenda 48 orësh. Këto detyrime zbatohen gjithashtu për mbërritjet nga toka (për shembull nga kufiri me Francën) për të gjithë udhëtarët mbi 12 vjeç. Që nga e hëna, Spanja ka rivendosur detyrimin për të paraqitur një test negativ PCR për britanikët, kontigjenti i parë i turistëve në vend në kohë normale, të cilët ishin përjashtuar që nga fundi i majit. Por, Spanja konsiderohet ende e rrezikuar nga Britania e Madhe, e cila imponon një karantinë për kthimin e shtetasve të saj, mjaftueshëm për t’i larguar ata që të vijnë për të shijuar diellin spanjoll.
– Masat për të respektuar në vend Që prej 26 qershorit, mbajtja e maskave nuk është e detyrueshme në ambiente të hapura në vend. Nuk ka më shtetrrethim, as ndalim për të lëvizur nga një rajon në tjetrin. Në pjesë të Spanjës, veçanërisht në kryeqytetin Madrid dhe në Barcelonë, qyteti i dytë më i madh në vend, klubet e natës janë rihapur që nga 21 qershori, megjithëse ato mbeten subjekt i kufizimeve të frekuentimit dhe orëve.
ITALIA Gadishulli do të presë këtë verë 6,7 milionë turistë të huaj (+24,1%), por 65,8 milionë më pak se në 2019, kur barra e 100 milionëve është kaluar. – Kush mund të hyjë? Udhëtarët nga BE nuk janë të detyruar të respektojnë një karantinë me kushtin e prezantimit të pasaportës shëndetësore europiane që provon një vaksinim të plotë, një shërim ose një test negativ antiCOVID-19 për të paktën 48 orë. Këto kushte aplikohet gjithashtu për udhëtarët nga SHBA-ja, Kanadaja, Japonia, Izraeli, Australia, Zelanda e RE, Koreja e Jugut, Ruanda, Singapori dhe Tajlanda. Turistët nga Britania e Madhe do të duhet të kryejnë një karantinë pesë ditore pas prezantimit të një testi negativ. Italia ndalon turistët e ardhur nga Brazili, India, Bangladeshi dhe Sri Lanka. – Masat që duhen respektuar në vend Mbajtja e maskës nuk është e detyrueshme në ambientet e jashtme, vetëm në vendet e mbyllura publike. I gjithë vendi është konsideruar si një zonë e bardhë, që do të thotë një rrezik i ulët infektimi dhe nuk ka as shtetrrethim, as kufizime në restorante dhe bare. Vetëm tryezat duhet të kenë një hapësirë prej një metër.
PORTUGALIA Algarve, shumë e njohur për britanikët, është një nga rajonet më të kërkuara. Fluksi kryesor i turistëve pritet nga korriku. – Kush mund të hyjë? Pasagjerët që udhëtojnë në Portugali me avion, me përjashtim të fëmijëve nën 12 vjeç, duhet të paraqesin një certifikatë të plotë vaksinimi ose PCR (më pak se 72 orë) ose test antigjeni (më pak se 48 orë) para mbërritjes. Pasagjerët nga Afrika e Jugut, Brazili, India dhe Nepali mund të udhëtojnë në Portugali vetëm për arsye thelbësore dhe duhet të kryejnë një karantinë 14-ditore. Britanikët që nuk janë vaksinuar plotësisht duhet gjithashtu të kryejnë një karantinë. Me përjashtim të vendeve anëtare të BE-së, vendeve të lidhura me zonën Schengen dhe vendeve të veçanta si SHBA-ja ose Australia, pasagjerët nga vendet e treta mund të udhëtojnë në Portugali vetëm për arsye thelbësore. – Masat që duhen respektuar në vend Turistët do të duhet të respektojnë rregullat e distancimit dhe posaçërisht të mbajtjes së maskës së detyrueshme.Qeveria ka përcaktuar gjithashtu një sërë rregullash për plazhet dhe pishinat publike. Për shembull, duhet të respektohet një distancë prej të paktën tre metrash mes çadrave.
GREQIA Sipas Ministrit të Turizmit Haris Theocharis, rreth 150 000 turistë kanë mbërritur në Greqi që nga fillimi i sezonit më 14 maj. Qëllimi është të arrijmë rreth 40-50% të të ardhurave të vitit 2019 në 2021 (18,2 miliardë euro). Në vitin 2020, të ardhurat ishin vetëm 4,28 miliardë euro. -Kush mund të hyjë? Qytetarët e zonës europiane, Schengen dhe të asimiluar, si dhe banorët e përhershëm të rreth njëzet vendeve duke përfshirë Kanadanë, SHBA-në, Izraelin, Kinën, Tajlandën, Rusinë, Arabinë Saudite … janë subjekt i disa rregulloreve si plotësimi i një formulari gjurmimi në internet të paktën një ditë para mbërritjes së tyre në Greqi. Të paraqesë në bord ose një certifikatë të plotë vaksinimi të përfunduar të paktën 14 ditë para udhëtimit, ose rezultatin e një testi PCR ose një test negativ të koronavirusit prej më pak se 72 orë ose një test negativ të antigjenit maksimalisht 48 orë para mbërritjes në Greqi, ose një vërtetim të rikthimit në punë. Udhëtarët që vijnë nga Rusia nga 30 qershori, edhe nëse janë të vaksinuar, duhet të kenë bërë teste PCR ose antigjeni për të hyrë në Greqi. Masat që duhen respektuar në vend Mbajtja e maskës është e detyrueshme vetëm në ambiente të mbyllura. Që nga 28 qershori nuk ka asnjë shtetrrethim. Për të udhëtuar në ishujt, udhëtarët duhet të paraqesin një test negativ PCR ose antigjeni, autotest ose certifikatë vaksinimi. Teatrot rihapen më 1 korrik ndërsa vendet e tjera të mbyllura si klubet e natës, restorantet dhe kafenetë e mbyllura do të rihapen më 15 korrik me disa kufizime. Në sallat e koncerteve ose diskotekat e mbyllura do të jetë e nevojshme në veçanti të keni bërë një test antigjeni para se të shkoni atje. Në restorant, numri i njerëzve rreth një tavoline është i kufizuar në 10.
FRANCA Në Francë, destinacioni kryesor turistik në botë para pandemisë, të ardhurat (57 miliardë euro në 2019) u përgjysmuan verën e kaluar. – Kush mund të hyjë? Për vendet e klasifikuara si “të gjelbërta” (zona europiane, SHBA-ja, Australia, Koreja e Jugut, Izraeli, Japonia, Libani, Zelanda e Re, Singapori …), nuk kërkohet ndonjë arsye bindëse dhe një PCR ose test antigjeni më pak se 72 orë u kërkohet vetëm personave të pavaksinuar. Për vendet e klasifikuara si “portokalli”, siç është Britania e Madhe, një test antigjeni kërkohet nëse udhëtari është vaksinuar, përndryshe ai ka nevojë për një arsye bindëse, një test negativ dhe do të vetë-izolohet për shtatë ditë. Për vendet e klasifikuara si “të kuqe”, përfshirë Afrikën e Jugut, Brazilin ose Turqinë, një arsye bindëse është e nevojshme për të ardhur në Francë dhe nëse udhëtari nuk vaksinohet ai i nënshtrohet një karantine të detyrueshme 10-ditore të kontrolluar nga forcat e sigurisë. – Masat që duhen respektuar në vend Maska është e detyrueshme vetëm në vende të mbyllura dhe nuk ka më një shtetrrethim. Baret dhe restorantet janë rihapur dhe mund të përdorin kapacitetin e tyre maksimal që nga e mërkura, si brenda dhe në terraca, me përjashtim të rajoneve të caktuara të prekura veçanërisht nga varianti Delta.
BRITANIA E MADHE – Kush mund të hyjë ? Britania e Madhe është de facto pothuajse e mbyllur për turistët e huaj duke pasur parasysh kufizimet e rrepta të vendosura në kufijtë për mbërritjet, me shumicën e vendeve (veçanërisht vendet europiane si Franca ose Italia) rreth karantinës dhe testeve të kushtueshme që duhen kryer ose madje për disa përfshirë Amerikën e Jugut, Tunizinë, Indinë, Turqinë…) karantina në hotel bie në kurriz të udhëtarit, që kushton 1 750 paund (2 000 euro) për person. Udhëtarët nga vendet e klasifikuara si “të gjelbërta” përjashtohen nga karantina. Gjashtëmbëdhjetë vende ose territore u bashkuan me këtë listë duke përfshirë ishujt Baleare, Malta dhe Madeira. – Masat që duhen respektuar në vend Pjesa më e madhe e masave janë hequr, të fundit priten më më 19 korrik, pasi u shtynë për disa javë për shkak të valës së fundit të variantit indian.
