Kreu i Organizatës Botërore të Shëndetësisë, Tedros Adhanom Ghebreyesus, bëri thirrje që vendet e pasura të shpërndajnë vaksinat anti-CoVid-19 për të frenuar pandeminë. Sipas tij deri në muajin shtator duhen shpërndarë 11 miliardë doza në mënyrë që të arrihet objektivi i vaksinimit të të paktën 10% të popullsisë së çdo vendi.
Shpërndarja e dozave është një zgjidhje afatshkurtër. 75% e 3.5 miliardë vaksinave kanë shkuar aktualisht në vetëm 10 vende, tha ai.
Apeli i Ghebreyesus vjen ndërkohë që Komisioni Europian ka njoftuar se do të shpërndajë 200 milionë doza deri në fund të vitit. Kryetarja e KE-së, Ursula von der Leyen ka bërë të ditur se dozat do t’u shkojnë vendeve me të ardhura të mesme dhe të ulëta.
