Kristiano Ronaldo dhe Juventus gëzojnë raporte të ngrohta dhe portugezi ndihet mirë në Torino. Edhe pse 5 herë fituesi i Topit të Artë nuk është më qendra e projektit të bardhezinjve, Ronaldo nuk e mendon largimin nga Zonja.
Një fakt të tillë e ka konfirmuar vetë trajneri Masimiliano Allegri, ai i cili është rikthyer te Juventusi për të ndërtuar një skuadër që nuk varet më nga ylli portugez.
Ronaldo është stërvitur gjithmonë mirë. Thashethemet unë ja kam lënë gazetave. Nuk më ka thënë kurrë se do të largohet. Mua të paktën, më ka bërë të ditur që në fillim se dëshiron që të qëndrojë.
Këto ishin fjalët e Alegrit në konferencën përpara sfidës kundër Udineze.
