Presidenti austriak Alexander Van der Bellen u shpreh në favor të mbështetjes së refugjatëve nga Afganistani, duke kundërshtuar qëndrimin e kancelarit austriak Sebastian Kurz.
“Personalisht, besoj se ekziston një detyrim ligjor, moral dhe politik i Bashkimit Evropian dhe shteteve anëtare të tij për të rritur përgjegjësinë tonë”, tha Van der Bellen.
Ai bëri thirrje për mbrojtje të veçantë për gratë dhe personelin lokal, të punuan për vendet anëtare të BE-së.
Gjatë fundjavës së kaluar, Kurz tha se nuk donte të jepte mbrojtje për më shumë refugjatë nga Afganistani, duke cituar numrat tashmë në vend.
Van der Bellen theksoi se numri aktual i afganëve në Austri ishte “i parëndësishëm”.
