Së shpejti, edhe vendet e tjera të Ballkanit Përëndimor, përfshirë Shqipërinë do të bëhen pjesë e sistemit digjital të certifikatave shëndetësore, të BE. Lajmin e bëri të ditur një zëdhënëse e Komisionit Europian për Deutche Welle.
Pak ditë më parë, Brukseli vendosi të njohë certifikatat e Covid-19 të Maqedonisë së Veriut , Turqisë dhe Ukrainës, duke lënë jashtë Shqipërinë, Kosovën dhe shtete të tjera të rajonit.
Megjithatë, kjo pritet të ndryshojë shpejt sipas zëdhënëses së KE.
“Ne presim që vendet e Ballkanit të lidhen me sistemin tonë. Jemi në kontakt me të gjitha vendet për verifikim të mundësive dhe procesi është në vazhdim”, citon Deutche Welle, zëdhënësen e KE.
Maqedonia e Veriut dhe Turqia po përdorin edhe vaksinat kineze dhe ruse për imunizimin e popullsisë, ashtu sikundër Shqipëria.
