Kompanitë Pfizer/Biontech dhe Moderna rritën çmimet e vaksinës së koronavirusit në marrëveshjen e fundit me Bashkimin Evropian (BE).
Sipas Financial Times, çmimi është rritur nga 15,50 euro në 19,50 euro për një dozë Pfizer/Biontech.
Më tej thuhet se çmimi për dozën e vaksinës Modernës, i cili ishte rreth 22,60 dollarë më parë, është bërë rreth 25,50 dollarë në kontratën e re.
Duke njoftuar më 27 korrik se ka arritur objektivin e vaksinimit të 70 për qind të popullsisë së rritur, BE planifikon të sigurojë më shumë se 1 miliardë doza vaksine deri në fund të shtatorit.
Agjencia Evropiane e Barnave (EMA) deri më tani ka lejuar përdorimin e vaksinave të prodhuara nga kompanitë Pfizer/Biontech, Moderna, AstraZeneca dhe Johnson & Johnson në vendet e BE-së. EMA vazhdon vlerësimin paraprak të vaksinave Sinovac, Curevac, Novavax, Sputnik V dhe Sanofi Pasteur.
