Pas triumfit në Euro 2020, Alessandro Florenzi kthehet për të luajtur në Itali, me fanellën e Milanit. Anësori vjen në huazim nga Roma dhe sapo është kthyer nga një përvojë e tillë e dyfishtë jashtë vendit me Valencia dhe PSG.
Gjatë konferencës së prezantimit te kuqezinjtë, Florenzi tha se ishte entuziast për t’u bashkuar me projektin ambicioz të Milanit, duke nënvizuar se ishte i gatshëm të luante çdo rol: Liga e Kampionëve është objektivi minimal për historinë e Milanit, të luash çdo vit në këtë kompeticion është gjithçka që klubi dhe tifozët duan. Unë do të përpiqem ta ndihmoj klubin të arrijë pozicionin që meriton. Nëse ka një nevojë, unë do të jem gjithmonë i pranishëm, edhe në vend të Maignan. Pra, jam gati të luaj në çdo rol për këtë fanellë.
E pamundur të mos fliste për Romën dhe vendimin për t’i ndarë rrugët e tyre përkatëse: Milani më donte aq shumë, ndaj do të jap gjithçka për kauzën kuqezi. Dy ose tri vite më parë Roma bëri zgjedhjen e saj për të më huazuar dhe unë e pranova, edhe pse jo me dëshirë. Të gjithë e dinë se unë jam tifoz i Romës, nuk është sekret. Këtu, megjithatë, e gjej veten në një ekip që ka besim tek unë.
Në bazë të mosmarrëveshjeve me Romën, sipas Florenzi, nuk do të kishte zgjedhje teknike: Valencia nuk më mbajti për arsye ekonomike, PSG mori një lojtar prej 70 milionësh në vendin tim. Zgjedhje teknike te Roma? Sipas mendimit tim ka diçka tjetër. Unë nuk mendoj se është një mosbesim ndaj trajnerit. Tani do të jetë fusha që do të flasë.
