Pfizer ka raportuar fillimin e fazës 2 të studimit EPIC-PEP për të vlerësuar një antiviral oral të ri, PF-07321332, i administruar bashkë me një dozë të ulët të ritonavirit, për parandalimin e COVID-19.
Faza 2/3 e studimit të rastit pritet të regjistrojë deri në 2 660 pjesëmarrës të rritur të shëndetshëm të moshës 18 vjeç e lart.
Kompania vuri në dukje se objektivi kryesor i studimit do të vlerësojë sigurinë dhe efikasitetin për parandalimin e infeksionit të konfirmuar SARS-CoV-2 dhe simptomat e tij deri në ditën e 14-të.
“Nëse është e suksesshme, ne besojmë se kjo terapi mund të ndihmojë në ndalimin e virusit që në fazat e hershme, para se të ketë një mundësi për t’u përsëritur gjerësisht, duke parandaluar potencialisht sëmundjen simptomatike tek ata që janë ekspozuar dhe duke penguar shfaqjen e infeksionit te të tjerët”, tha Mikael Dolsten, kreu shkencor dhe president i Hulumtimeve Botërore, Zhvillimit dhe Mjekësisë në kompaninë Pfizer.
