Kryeministri Edi Rama ka marrë vëmendjen nga skenari i opozitës për të grisur fletat e votimit për kryetarin e Kuvendit. Në momentin e votimit, Rama është ulur në tokë duke mbledhur fletët e grisura duke i futur në një qese. Më pas Rama u drejtua për në dhomën e fshehtë dhe pasi votoi, mori me veten qesen me fletët e grisura të votimit në ulësen e tij në Kuvend.
Kjo situatë është shoqëruar me ovacione nga socialistët, ndërsa demokratët me mikrofonin e fikur kanë kërkuar llogari nga drejtuesit e seancës së votimit. “Materialet zgjedhore nuk ka të drejtë t’i prekë askush”, është shprehur Belind Këlliçi. Pas protestës së tij, Rama është ngritur nga vendi i tij, duke i dorëzuar Këlliçin qesen me fletët e grisura.
