Presidenti i Republikës, Ilir Meta ka nxjerrë një dekret për mbledhjen e Parlamentit të Ri të Republikës së Shqipërisë, i dalë nga zgjedhjet e 25 prillit. Presidenti ka vendosur që parlamentit të mblidhet të premten tjetër, në datë 10 shtator 2021, ora 10:00.
PRESIDENTI DEKRET PËR THIRRJEN E MBLEDHJES SË KUVENDIT TË PORSAZGJEDHUR TË REPUBLIKËS SË SHQIPËRISË Në mbështetje të nenit 65 pika 1, 67 pika 1, dhe 93 të Kushtetutës së Republikës së Shqipërisë, pas zhvillimit të zgjedhjeve të përgjithshme për Kuvendin e Republikës së Shqipërisë të datës 25.04.2021, rezultati përfundimtar i të cilave është shpallur nga Komisioni Qendror i Zgjedhjeve përmes Vendimit nr. 21, datë 13.07.2021, të Komisionit Rregullator, si dhe në kushtet kur Legjislaturës së IX-të të Kuvendit, i përfundon mandati në datën 09.09.2021,
Dekretoj: Neni 1 Ditën e premte, në datë 10 shtator 2021, ora 10:00, thirret për t`u mbajtur mbledhja e parë e Legjislaturës së X-të të Kuvendit të Republikës së Shqipërisë. Neni 2 Ky dekret hyn në fuqi menjëherë. Nr. Dekretit 13207 Tiranë, më 01.09.2021 PRESIDENTI I REPUBLIKËS ILIR META
