Jennifer Lopez dhe Ben Affleck janë ndoshta çifti më i komentuar i momentit në gjithë botën, që kur u mësua se kishin nisur të frekuentoheshin sërish, pas shumë vitesh. Ata shkëlqyen, kur u shfaqën bashkë në tapetin e kuq të MTV VMAs pas rreth 18 vitesh, duke ecur e herë pas here duke shkëmbyer puthje. Mirëpo, për herë të parë që pas rinisjes së romancës së tyre, Ben Affleck foli publikisht për Jennifer.
“Unë jam i mahnitur nga ndikimi i saj në botë,” tha Affleck në një intervistë, duke shtuar se ajo ka frymëzuar një grup masiv njerëzish. Affleck e vlerësoi partneren, për faktin që ka shërbyer si model për gratë me ngjyrë në industri. “Gjithçka që mund t’ju them është se e kam parë drejtpërdrejt ndryshimin që sjell përfaqësimi i tyre sepse kam parë, pa pushim dhe pa pushim, gra me ngjyrë i afrohen Jennifer-it dhe i tregojnë se cili është shembulli i saj si një grua e fortë dhe një grua që arrin dhe kërkon pjesën që i takon me të drejtë në botën e biznesit,” shtoi ai.
Lopez dhe Affleck u panë të shoqëroheshin në prill, menjëherë pas ndarjes së J.Lo nga Alex Rodriguez. Ata u fejuan në nëntor të vitit 2002, por u ndanë në janar të vitit 2004, pak kohë para dasmës. Megjithatë, janë rikthyer tek njëri-tjetri, e së fundmi nuk i kursejnë aspak as daljet publike si çift.
/News
