Sekretari i Përgjithshëm i Partisë Socialiste, Damian Gjiknuri i ka uruar suksese kabinetit të ri qeverisës që nisi sot rrugëtimin e mandatit të tretë me Edi Ramën kryeministër. Numri dy i PS u shpreh se mandati i tretë qeverisës do jetë një sfidë jo e lehtë për të çuar përpara reformat dhe përmbushur angazhimet ndaj qytetarëve.
Postimi i plotë: Suksese kabinetit të ri qeverisës! Nga sot nis një sfidë jo e lehtë për të çuar përpara reformat, që na afrojnë gjithnjë e më pranë familjes evropiane. Nis sfida për të përmbushur angazhimet e marra para qytetarëve shqiptarë, të cilëve iu kërkuam votën në fushatën e fundit zgjedhore. Sfida për tu konfirmuar 768,134 votuesve tanë, se në 25 Prill bënë zgjedhjen e duhur, duke besuar tek Partia Socialiste dhe Edi Rama për të tretën herë rresht. Sfida për t’iu dëshmuar edhe atyre që nuk na votuan, se do t’iu shërbejmë të gjithëve njësoj, për të mirën e përbashkët, objektivin tonë për ta ngjitur Shqipërinë në majën ku meriton të jetë! #PartiaSocialiste? #FuqiaeNdryshimit ?
