Shkolla e re e Pezës, në Tiranë, e ngritur në kuadër të Programit të Rindërtimit do të mbajë emrin e inxhinier Agron Hysenlliut, ish-drejtor i Institutit të Ndërtimit. Në inaugurimin e shkollës morën pjesë zv.kryeministri, Arben Ahmetaj, kryetari i bashkisë së Tiranës, Erion Veliaj dhe deputeti i zonës.
Inxhinier Agron Hysenbelliu, ndërroi jetë më 15 nëntor të vitit 2020 pasi nuk e fitoi dot betejën me COVID-19. Ai mbante postin e drejtorit të Institutit të Ndërtimit. “Nder dhe prestigj për Institutin si ent dhe për stafin teknik-administrativ të tij, vënia e emrit të inxh. Agronit një shkolle të re në Pezë, fryt i Programit të Rindërtimit, program për të cilin ai kontriboi aq shumë”, thuhet në deklaratën e shpërndarë për mediet nga Instituti i Ndërtimit.
Familja Hysenlliu i dhuroi shkollës së re pajisjet e laboratorit të informatikës.
Agron Hysenlliu ishte një profesionist i shkëlqyer, që nuk u kursye asnjë ditë duke ndihmuar këdo që humbi shtëpinë në tërmetin e 26 nëntorit.
