Disa njerëz tërhiqen nga një tufë me trëndafila, ndërsa disa të tjerë magjepsen nga lulet e diellit dhe zambakët që lulëzojnë. Mirëpo, e dini që lulja e preferuar thotë shumë për personalitetin tuaj? Nëse doni ta zbuloni se çfarë, gjithçka duhet të bëni është të zgjidhni lulen e preferuar dhe të lexoni më poshtë se çfarë pasqyron për ju:
1. Lulja e dielli-Nëse keni zgjedhur lulen e diellit, atëherë duhet ta dini që kjo simbolizon pozitivitet dhe lumturi. Me shumë mundësi ju njiheni si një personifikim i diellit në grupin tuaj. Ju keni një cilësi të lindur për t’i bërë të tjerët rreth jush të ndihen mirë dhe të përhapni lumturi qoftë dhe vetëm me praninë tuaj. Prandaj, pavarësisht se ku shkoni, ju nuk jeni asnjëherë pa miq ose njerëz për të biseduar. E qeshura juaj është ngjitëse dhe gjithmonë gjeni të mirën në një situatë të keqe. Po ashtu, ju jeni shumë besnikë ndaj njerëzve që doni dhe jeni në gjendje të bëni gjithçka për ta.
2. Tulipani-Adhuruesit e tulipanëve janë shpesh njerëzit më të ëmbël dhe admirohen nga shumica e të tjerëve përreth. Nëse keni zgjedhur këtë lule, ju jeni të zhytyr në mendime shumicën e kohës dhe keni një prirje për t’i ndihmuar ata që janë në gjendje ankthi. Ju jeni disi të turpshëm dhe zakonisht merrni kohën tuaj për t’u hapur te të tjerët dhe për t’u ndjerë rehat pranë tyre. Sidoqoftë, sapo njerëzit t’ju njohin, ata e kanë shumë të vështirë t’ju harrojnë. Ju keni një një rreth të vogël shoqëror, jeni të fiksuar pas detajeve dhe kërkoni përsosmëri dhe rregull rreth jush.
3. Zambaku-Nëse keni zgjedhur zambakët, ju jeni padyshim “nëna” e grupit. Njerëzit iu kërkojnë këshilla dhe ndihmë në situata të vështira dhe ju jeni më shumë se të lumtur t’i ndihmoni. Ju jeni të sjellshëm dhe personifikimi i pafajësisë. Disa njerëz mund të përfitojnë nga sjellja juaj naive. Përsa i përket arritjeve tuaja, ju nuk pëlqeni t’ia tregoni botës.
4. Trëndafili-Ah, trëndafilat! Nëse keni zgjedhur këtë lule, ju jeni një person shumë pasionant. Ju jeni ekuilibri i përsosur i zemrës dhe trurit, gjë që është vërtetë e rrallë të gjendet në ditët e sotme. Ju e vendosni familjen gjithmonë të parën dhe do bënit gjithçka për t’i parë ato të lumtur. Stili juaj është gjithë klas dhe qëndroni larg gjërave të kota dhe tendencave të ndryshueshme. Meqenëse jeni tepër romantikë, ju bëni çmos për ta bërë partnerin tuaj të lumtur dhe për t’i mbajtur gjërat pikante në marrëdhënien tuaj. Sidoqoftë, ju nuk i afroheni dikujt pa qenë të sigurt për qëllimet e tij.
