Ministrja e Arsimit dhe Sportit, Evis Kushi zhvilloi sot një takim me Presidentin e Federatës Shqiptare të Basketbollit, Avni Ponari dhe Sekretarin e Përgjithshëm, Korab Llazani, mbi thellimin e mëtejshëm të bashkëpunimit institucional me njëri-tjetrin.
Gjatë takimit Kushi u informua mbi përgatitjet e fundit që po bëhen për zhvillimin brenda kësaj jave në Ligën Unike të Superkupës Mbarëkombëtare të vajzave e djemve mes Shqipërisë e Kosovës.
Në takim u hodhën edhe piketat për mënyrën e forcimit të klasave të profilizuara sportive në disiplinën e basketbollit, si dhe u dakordësua për mundësinë e zhvillimit të kampionateve të këtyre klasave në rang vendi.
“Gjatë bashkëbisedimit, u informova gjithashtu mbi përgatitjet e fundit që po bëhen për zhvillimin brenda kësaj jave në Ligën Unike të Superkupës Mbarëkombëtare të vajzave e djemve mes Shqipërisë e Kosovës. Ndërkohë, hodhëm edhe piketat për mënyrën e forcimit të klasave të profilizuara sportive në disiplinën e basketbollit , si dhe dakordësuam për mundësinë e zhvillimit të kampionateve të këtyre klasave në rang vendi”, u shpreh Kushi.
