Kryeministri Edi Rama ka rrëzuar propozimet me 7 pikat të Partisë Demokratike, që sipas selisë blu miratimi i tyre do t’i vinte në ndihmë qytetarëve, duke filluar nga heqja e taksës mbi karburantet, si dhe uljen e TVSH në 6 % për ushqimet. Rama deklaroi se propozimet e Bashës ishin afarizma të kohës së Sudes dhe Vebiut dhe se nuk mund të ndiqeshin pasi duhet të ruhet një ekuilibër në arkën e shtetit.
Pyetja nga gazetarja: A i keni marrë parasysh sugjerimet nga kryedemokrati Lulzim Basha?
“Së pari unë do ju kërkoj juve të verifikoni atë që thashë në parlament. Verifikoni si ka qenë cmimi i karburantit në vitin 2013. E kanë blerë më lirë apo më shtrenjtë?
Teoria ul ktu hiq aty e hiq aty ka një problem. Këto janë para që ikin. Pastaj me cfarë do i bëjë qeveria mbrojtjet? Në Francë dhe Gjermani, sa paguajnë nga rrogat e tyre qytetarët atje për shtetin? Sa paguajnë atje sigurime shoqërore për të marrë një shërbim më të lartë?
Këto kërkesat me bëje rrafsh arkën e shtetit se shihemi nesër janë afarizma të kohës së Sudes dhe Vebiut”, deklaroi Rama.
