Zbardhen vendimet e mbledhjes së sotme të kryesisë së Partisë Socialiste. Sipas informacioneve, në Kryesi u vendos që drejtuesi politik i Qarkut të Tiranës Erion Veliaj do drejtojë përkohësisht edhe Partinë Socialiste të Tiranës.
Veliaj zëvendëson në detyrë Ervin Bushatin, i cili nuk arriti të marrë një mandat deputeti në zgjedhjet e 25 prillit.
Ndërkohë, Lindita Nikolla do të jetë e deleguar për zonën e Kamzës dhe Paskuqanit, Delina Ibrahimi në njësinë Nr.5 në Tiranë, Mimi Kodheli në njësinë Nr.8, Tiranë, Blerina Gjylameti në Nr.4, Tiranë, në zonën Farkë-Baldushk-Petrelë, Paulin Sterkaj në Nr.11 në Tiranë, Ornaldo Rakipi delegohet për Bashkinë e Vorës.
Ndërkohë, gjatë mbledhjes, ku ndër të tjerat raportoi për punën e sekretariatit të ri dhe ecurinë e detyrave, Damian Gjiknuri u autorizua të caktojë grupin e punës për ndryshimet statutore në parti.
Në një deklaratë për mediat, Edi Rama deklaroi se Partia Socialiste ka nisur punën për zgjedhjet e ardhshme. Në mbledhjen e Kryesisë së PS-së është vendosur hapja e partisë ndaj prurjeve të reja.
