Mbi 900 000 fëmijë midis moshës 5 dhe 11 vjeç vlerësohet të kenë marrë vaksinën e tyre të parë Covid-19, njoftoi administrata Biden, sipas nbcnews.com.
”Rreth 700 000 fëmijë të tjerë kanë prenotuar takime për të marrë dozën e tyre të parë’’, theksoi në një konferencë shtypi Jeff Zients, koordinatori për Covid-19 në Shtëpinë e Bardhë.
”Numrat janë një vlerësim i bazuar në të dhënat paraprake nga 20 000 klinika dhe farmaci në mbarë vendin’’, shtoi ai.
“Të kesh aq shumë vaksina sa kemi bërë javën e kaluar është e qëndrueshme. Shpresa ime është që jo vetëm të ruhet, por të përshpejtohet vaksinimi në javët e ardhshme’’, shtoi koordinatori.
Numrat përfaqësojnë rreth 3% të më shumë se 28 milionë fëmijëve midis moshës 5 dhe 11.
