Barça dhe Dembele bien dakord për rinovimin e kontratës
Dembele do të vazhdojë ta veshë fanellën e Barcelonës. Ai do të rinovojë kontratën, e cila i skadon në qershor 2022.
Sipas SPORT, Barcelona ka arritur marrëveshje me Ousmane Dembele për rinvimin e kontratës për pesë vjet, deri më 2027, transmeton Express.
Çelësi për arritjen e marrëveshjes është pranimi nga ana e Dembeles që të ulë pagën, derisa zyrtarizimi do të vijë javën tjetër, gjithnjë sipas të përditshmes katalunase.
Ka pasur spekulime se ai mund të largohet si lojtar i lirë në qershor të 2022, por Xavi Hernandez e ka bindur anësorin francez se është i rëndësishëm për skuadrën e tij.
Dembele ka vuajtur shumë me dëmtime këto katër vite në ‘Camp Nou’, por me Xavin janë duke punuar veçanërisht për të mos u përsëritur lëndimet e shpeshta.
Dembele deri më tani ka bërë 126 paraqitje për Barcelonën, ka shënuar 30 gola.
