Shkëlzen Berisha ka udhëtuar ditën e sotme drejt Zvicrës, por ai është ndaluar nga autoritetet e aeroportit për arsye ende të panjohura.
Sapo ka mbërritur në një nga aeroportet e Zvicrës, burime për Shqiptarja.com kanë treguar se Shkëlzen Berisha, djali i ish kryeministrit Sali Berisha, është kontrolluar për 15 minuta nga autoritet dhe më pas është shoqëruar në një zyrë.
Arsyet e këtij ndalimi nuk dihen, ndërsa mbetet ende e paqartë nëse ai është lënë sërish i lirë për të udhëtuar apo është mbajtur.
