I pranishëm në ceremoninë e dhurimit të banesave të reja për 500 familjeve të prekura nga tërmeti i 26 nëntorit në Laç, ishte kryeministri Edi Rama, ambasadori turk Murat Ahmet Yörük, si dhe ministri për Rindërtimin, Arben Ahmetaj.
Kryeministri Edi Rama nuk i kurseu batutat me inxhinierin turk, në fjalën e mbajtur sot para banorëve në banesat e reja të rindërtuara në Laç, duke u shprehur se ai doli më i fituari që mori nuse për çunin nga kjo zonë.
Kreu i qeverisë i uroi banorët të trashëgohen dhe me humor shtoi se mund të votojnë për kë të duan, por shtoi se “sa më shumë demokratë me mend në kokë të lindin aq më mirë do jetë”.
“Falenderoj Majlindën, është tregua më shumë burrneshë se shumë burra që njof unë këtu në Laç. E kam bindjen që gratë shqiptare janë më të forta se burrat. Burrat shqiptarë thonë: Ku ka gra këtu? Po pse juve kush u ka pjellë. Jo vetëm se u ka bërë kokën, por edhe për karakterin edhe edukatën. Po mos ishin motrat dhe gratë e di si do ishit ju apo jo? Unë po e po, por edhe ju.
Më i fituari këtu, ju e pranoni edhe unë e pranoj, nuk doli kush mori shtëpi. Këtu më i fituari doli Serveti që erdhi udhëhoqi kantierin dhe mori nuse për çunin nga kjo zonë. Servet, në asnjë pikë të Anadollit nuk e gjeje dot ti një gocë si gocat e Laçit! Të trashëgoheni edhe të keni jetë, edhe të votoni si të doni gjithë jetën. Të trashëgoheni dhe sa më shumë demokratë me mend në kokë të lindni aq më mirë do jetë për Laçin dhe gjithë Shqipërinë”, tha Kryeministri.
Teksa po fliste për rindërtimin e bashkisë së Kurbinit, Kryeminstri nuk ka kursyer batuatat as për kryebashkiakun Erjon Veliaj, për të cilin tha se e sheh në ëndërr godinën e re të bashkisë së Kurbinit!
“Shikoni godinën e bashkisë së Kurbinit, atë dhe lali Eri nuk e shef në ëndërr, do jetë bashkia më e bukur dhe më funksionale. Ne do të bëjmë investime të reja për projektin e ri”, tha Rama
