Komiteti i Përfaqësuesve të Përhershëm të BE-së (COREPER) ka miratuar sanksione shtesë ndaj zyrtarëve dhe agjencive në Rusi dhe Bjellorusi për luftën kundër Ukrainës. COREPER II ka miratuar gjithashtu sanksione që plotësojnë masat tona që tashmë kemi ndërmarrë. Në veçanti, këto masa kanë për qëllim shkëputjen e tre bankave bjelloruse nga sistemi SWIFT.
Ato gjithashtu sqarojnë çështjet e kriptomonedhave dhe plotësojnë listën e teknologjive dhe mallrave që nuk janë objekt eksporti.
“Sanksionet janë miratuar gjithashtu kundër sektorit detar”, njoftoi sot Presidenca franceze e Këshillit të Bashkimit Evropian në Twitter. Siç u theksua, këto sanksione do të miratohen zyrtarisht nga Këshilli i BE-së, dhe do të botohen më vonë në Gazetën Zyrtare të BE-së.
“Ne po forcojmë më tej rrjetën e sanksioneve duke iu përgjigjur agresionit ushtarak të Rusisë kundër Ukrainës. Lista e 160 individëve, oligarkë, anëtarë të Këshillit të Federatës Ruse; sektori bankar i Bjellorusisë; eksporti i teknologjisë së lundrimit detar në Rusi; kripto-asetet”, komentoi presidentja e Komisionit Evropian Ursula von der Leyen lidhur me paketën e re të sanksioneve kundër Rusisë për pushtimin e Ukrainës.
