Populli i Ukrainës duket i vendosur për të luftuar pushtuesit rusë, e këtë po e bëjnë në çfarëdo mënyre. Disa ushtarë rusë kanë mbetur të bllokuar për disa minuta në një ashensor, pasi ukrainasit i fikën dritat. Ushtarët rusë u futën në ashensor për të shkuar në majë të ndërtesës, në mënyrë që të kontrollonin zonën nga lart, por plani i tyre dështoi.

Zyrtarë të lartë amerikanë thuhet se po vizitojnë Venezuelën këtë fundjavë në përpjekje për të rivendosur marrëdhëniet me qeverinë e presidentit Nicolas Maduro, shkruan Sky News.

Misioni i SHBA në Venezuelë, vizita e nivelit më të lartë në vite, vjen pasi të dyja vendet ndërprenë marrëdhëniet diplomatike kur Washingtoni akuzoi liderin e saj për manipulim të zgjedhjeve.

Kur SHBA goditi eksportet e naftës të Venezuelës me sanksione në vitin 2019, kombi i Amerikës së Jugut iu drejtua Rusisë për ndihmë ekonomike.
Tani Washingtoni do të kërkojë të shohë nëse ky shtet mund të jetë i gatshëm të tërhiqet nga Moska.