Liderëve të NATO-s, Presidenti Zelensky iu drejtua me një pyetje të drejtpërdrejtë gjatë fjalës që pati në samitin që po mbahet në Bruksel.
Ai i pyeti anëtarët e aleancës nëse ishin të bindur se neni 5 do të funksiononte nëse Rusia do të sulmonte NATO-n.
Neni 5 i Traktatit të Atlantikut të Veriut thotë se një sulm ndaj një vendi anëtar të NATO-s është një sulm ndaj të gjithë NATO-s.
Po ashtu ai i bëri thirrje aleancës që të mos deklarojë se ushtria ukrainase nuk i përmbush standardet e NATO-së.
“E vetmja gjë që kërkoj nga ju pas një muaji të tillë lufte është, ju lutem mos na thoni kurrë se ushtria jonë nuk i përmbush standardet e NATO-s”.
