Kryetari i Komisionit Qendror të Zgjedhjeve, Ilirjan Celibashi, në një vlerësim për zgjedhjet e pjesshme lokale, shprehet se procesi rezultoi i suksesshëm.
“Nuk rezultojmë probleme as me përdorimin e pajisjes PEI, për identifikimin elektronik. Procesi është karakterizuar nga zbatimi i kodit zgjedhor dhe qetësi. 75% e qendrave janë hapur në orar. Të tjerat janë hapur deri në 07:30. Në çdo rast, para orës 13:00 (siç parashikon ligji, qendrat e votimit duhet të hapen brenda pesë orësh nga orari zyrtar, që votimi të quhet i vlefshëm), përveç tri qendrave të votimit në Shkodër.
Në ditën e votimit, nuk ka pasur raportime të karakterit administrativ. Kemi pasur disa shqetësime në lidhje me votime të karakterit familjar. Nuk ka pasur as denoncime me shit-blerjen e votës, por mbeten për t’u parë dhe në ditët në vijim”, tha Celibashi.
