Rafael Leao mund të përfundojë në Premierligë. Sulmuesi i Milanit po kërkohet nga klubet angleze, të cilat kanë mbetur të impresionuara me paraqitjet e tij me “Rossoneri”. Sipas mediave italiane, sulmuesi portugez po pëlqehet mbi të gjitha nga Manchester City. Kampioni anglez ka biseduar me menaxherin e lojtarit, Jorge Mendes, për mundësinë e transferimit të 22 vjeçarit.
Megjithatë, Kuqezinjtë do të bëjnë gjithçka për ta mbajtur lojtarin dhe për të vazhduar q të llogarisin në shërbimet e tij. Leao aktualisht vlerësohet 70 milionë euro. Nga ana e tij, Milani do të mundohet ta blindojë atë me një kontratë të re, e cila do të zgjasë deri në vitin 2026.
Leao ka shpërthyer në dy sezonet e fundit në “San Siro” dhe kjo ka bërë që ta zgjojë interesimin e klubeve të mëdha evropiane.
