Inflacioni në Kosovë arrin në 10 përqind për periudhën nga marsi i vitit 2021 në mars të vitit 2022. Sipas raportit të ASK-së rritja e inflacionit shpjegohet me ngritjen e çmimeve të konsumit dhe të shërbimeve. Ndërsa inflacioni mujor i matur nga indeksi i harmonizuar i çmimeve të konsumit ishte 2.7 përqind në muajin mars 2022. Sipas kësaj Agjencie, ngritja më e madhe e çmimeve vërehet te faturat e energjisë elektrike me 13 përqind, pasuar nga gazi me 11.4 për qind. Vajrat dhe yndyrat ushqimore kanë pasur rritje prej 11.3 përqind, pijet alkoolike për 5.9 për qind, ndërkaq veshjet për 4.9 përqind, u tha në indeksin e harmonizuar të çmimeve të konsumit.
