Në këtë moment siguria globale është e kërcënuar dhe Rusia, një shtet bërthamor dhe anëtare e përhershme e Këshillit të Sigurimit të OKB-së, po sulmon kombin sovran të Ukrainës, duke bërë referenca të turpshme dhe të papranueshme për përdorimin e armëve bërthamore, deklaroi sot presidenti i Këshillit Evropian, Charles Michel gjatë vizitës së tij në Hiroshima.
“Kjo, jo vetëm që po trondit sigurinë e Evropës, por ngre në mënyrë të rrezikshme çmimin e aksioneve për të gjithë botën”, shtoi ai në një video të postuar në Twitter.
Michel vizitoi Hiroshimën këtë mëngjes si pjesë e udhëtimit të tij në Japoni në kuadër të samitit vjetor BE-Japoni.
Michel vizitoi Memorialin e Paqes, në qytetin perëndimor të arkipelagut, i cili u rrafshua gjatë sulmit të parë bërthamor të amerikanëve në gusht 1945, ku dhe diskutoi gjendjen aktuale të sigurisë globale.
Pas vizitës në Muzeun e Paqes, në një fjalim 35-minutësh, Michel e quajti pushtimin e Ukrainës nga Rusia të turpshëm dhe të papranueshëm duke shtuar se Hiroshima përfaqësonte një sinjal të qartë dhe një kujtesë të nevojës emergjente për të hequr qafe arsenalin bërthamor në botë.
Delegacioni evropian, me pjesëmarrjen e presidentes së Komisionit Evropian, Ursula von der Leyen, u takua dje me kryeministrin japonez, Fumio Kishida, në Tokio.
