Kryeministri Edi Rama e cilësoi gjë shumë të mirë marrëveshjen për energjinë të firmosur sot mes Kosovës dhe Serbisë.
Në një reagim në rrjetet sociale, Rama tha: “Gjë shumë e mirë marrëveshja e firmosur mes Kosovës e Serbisë për energjinë në Veri. Kjo është rruga e duhur. Të tjerat janë humbje kohe duke rrejt veten.”
Kosova dhe Serbia miratuan udhërrëfyesin për zbatimin e marrëveshjeve për energjinë në kuadër të dialogut të lehtësuar nga BE-ja. Në fakt bëhet fjalë për të njëjtën marrëveshje që ishte arritur në vitin 2013, ishte konfirmuar në vitin 2015, ndërsa tashmë palët janë pajtuar për planin e implementimit të saj.
Bashkimi Evropian do të ketë rolin e lehtësuesit edhe për zbatimin.
