Sot është zhvilluar mbledhja e radhës së qeverisë ku ka patur dhe ndryshime në kabinet.
Kështu mjekja e njohur infeksioniste në Spitalin Infektiv Entela Ramosaçaj (Kolovani) qe ka qenë për muaj të tërë në frontin e betejës me COVID-19 ka marrë detyrën e zëvendësministres së Shëndetësisë.
Në mungesë të kryeministrit që ndodhet në një vizitë zyrtare në Kiev mbledhja u drejtua nga zëvendëskryeministri Arben Ahmetaj.
Vendimi:
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Entela Ramosaçaj emërohet zëvendësministër i Shëndetësisë dhe Mbrojtjes Sociale.
Ky vendim hyn në fuqi menjëherë.
