Të gjithë personat e vaksinuar deri në vitet ‘80 për linë e zezë, janë të mbrojtur edhe nga lija e majmunit. Ekspertë të shëndetit publik thonë se kjo vaksinë e cila është përdorur në popullatën shqiptare, krijon mbrojtje për popullatën.
Artan Simaku: Siç dihet është shpallur emergjencë globale, por ajo që duhet thënë është që për vendin tonë nuk ka vend për alarm, Shqipëria parashikohet vend me risk të ulët nga të dhënat tona dhe OBSH. Deri në vitet 70-80, të gjithë personat para viteve 80 e kanë kryer vaksinën për linë e zezë, por ajo u shfaros, dhe këta persona që e kanë kryer kanë mbrojtje.
Shqipëria është mes tre vendeve që nuk kanë asnjë rast me linë e majmunit.
“Shumica e rasteve janë në Europë dhe shumica janë shfaqur një në një grup të popullatë me sjellje të caktuar. Në rajonin tonë janë tre vende pa asnjë rast, Shqipëria, Kosova dhe Mali i Zi, 5 raste në Serbi dhe 1 rast në Bosnje-Hercegovinë. Në Shqipëri nuk ka asnjë rast të dyshuar.”
Ekspertët thonë se me daljen e vaksinës së lisë së majmunit, përveç personat e riskuar mund të vaksinohen edhe kontakte të ngushta me një të infektuar.
