Autoritetet e emëruara nga Rusia në qytetin ukrainas të Enerhodar akuzuan sot trupat ukrainase për ribombardimin e zonës pranë termocentralit bërthamor Zaporizhia, njoftoi agjencia ruse e lajmeve TASS.
Zyrtarët e qytetit thanë se dy predha shpërthyen pranë një ndërtese në termocentralin bërthamor ku ruhet karburanti, shtoi agjencia.
Kievi dhe Moska fajësojnë njëri-tjetrin për bombardimet në zonën e termocentralit bërthamor që ndodhet pranë qytetit Enerhodar në lumin Dnieper, gjë që rrit rrezikun e një aksidenti katastrofik.
