Përveçse shkaktoi tre vdekje, dëmtime të rënda në infrastrukturë, dhjetëra mijëra njerëz të zhvendosur dhe një ndërprerje kombëtare te energjise, kalimi i uraganit “Ian” mbi rajonet perëndimore të Kubës ka prekur rëndë edhe industrine e puros qe reflektohet jashtezakonisht shume ne industrine lokale dhe kombetare. Industria e duhanit në provincën Pinar del Río, ku ndodhen shumica e plantacioneve më të mira, është në gjunjë.
Sipas deklaratave për shtyp nga Yosvany López González, kreu i Qendrës së Studimit dhe Analizës Tabacuba, në San Juan y Martínez, 151 nga 155 magazinat e përdorura nga kompania për të ruajtur duhanin e mbledhur nga prodhuesit kishin përjetuar shembje ose dëmtime të konsiderueshme. Duke siguruar se humbjet janë “shumë domethënëse”, por ende jo të matshme me saktësi, López González kujtoi se “deri më 20 shtator, ishin mbledhur 4,110 ton duhan, ndërsa 158 ton të tjerë ishin ende në duart e 67 prodhuesve”. Dihet mirë rëndësia që ka për ekonominë kubane sektori i duhanit, veçanërisht në puro.
Në vitin 2021, Kuba eksportoi 568 milionë dollarë të saj, një rritje prej 15% krahasuar me një vit më parë, siç raportohet nga Habanos SA, kompania prodhuese që kontrollon promovimin, shpërndarjen dhe eksportin e produktit. Nga ana tjetër, brenda vendit ndodhet kompania shtetërore Tabacuba, e cila blen 95% të të korrave të prodhuesve privatë, të ruajtura në magazina në të gjithë vendin. Megjithatë, shumica e tyre u shkatërruan nga shirat e rrëmbyeshëm dhe erërat me rreh 200 km/h që shoqëruan kalimin e uraganit Ian.
