Për shumë njerëz, të shohin anijen e mbytur më të famshme në botë është një ëndërr e përjetshme. Tani, aventurierët e quajtur “specialistë misioni”, mund të kenë mundësinë për të eksploruar Titanikun nga afër dhe të paguajnë për ta bërë këtë.
Në St Johns, Newfoundland, në ujërat e Oqeanit Atlantik të Veriut, një anije e madhe industriale lëkundet nga njëra anë në tjetrën. Në bord, Stockton Rush shprehu një vizion për të ardhmen:
“Do të ketë një kohë kur njerëzit do të shkojnë në hapësirë me më pak kosto dhe shumë rregullisht. Unë mendoj se e njëjta gjë do të ndodhë edhe nën ujë.”
Rush shpreson që kompania e tij OceanGate do të bëjë për eksplorimin e thellësive të detit atë që novatorët si Elon Musk, Richard Branson dhe Jeff Bezos po përpiqen të bëjnë për udhëtimet në hapësirë: të lejojë këdo që ka para mjaftueshëm për të hyrë në botë të reja, edhe nëse nuk ka trajnim të specializuar.
Vendndodhja e anijes së Rushit në Atlantikun e Veriut nuk është e jashtëzakonshme në pamje të parë. Megjithatë, pikërisht aty ku ndodhet ajo, është shënuar një nga ngjarjet më të njohura dhe tragjike në histori: 3800 metra në thellësi ndodhet rrënoja e Titanikut, i cili u fundos në prill të vitit 1912 pasi goditi një ajsberg në udhëtimin e tij të parë.
Për Rush, i cili po përpiqet të bëjë eksplorimin në det të thellë për masat komercialisht të zbatueshme, vendi i mbytjes së anijes më të famshme në botë ishte një “zhytje që duhet bërë”.
Ai shtoi, “Unë lexova një artikull që thoshte se janë tre fjalë në gjuhën angleze që njihen në të gjithë planetin. Kjo është Coca-Cola, Zoti dhe Titaniku”.
Por për ta bërë realitet ëndrrën e tij, Titanikun, Rushit i është dashur të krijojë një lloj të ri zhytëseje të bërë nga materiale të lehta që mund të zbresë deri në pesë njerëz nga anija e oqeanit në thellësinë e Titanikut. Shumë menduan se nuk mund të bëhej.
Megjithatë, Rush ia ka dalë me sukses vitin e kaluar. Ai u zhyt në thellësi me disa njerëz, duke përfshirë ekuipazhin në bordin e anijes, stafin e OceanGate, shkencëtarët dhe një grup të vogël aventurierësh që paguan deri në 250,000 dollarë (rreth 225,000 £) për një shans për të parë Titanikun nga afër.
Këtë zhytje e kanë kryer edhe bankierja Renata Rojas, biznesmeni Oisin Fanning, ylli i televizionit Jaden Pan, dhe Scott Griffith.
Rojas shpjegoi, “Unë nuk jam një milioner. Unë kam kursyer para për një kohë të gjatë, kam bërë shumë sakrifica në jetën time për të arritur tek Titaniku. Nuk kam makinë, nuk jam martuar ende, nuk kam fëmijë. Dhe të gjitha ato vendime ishin sepse doja të shkoja tek Titaniku”.
Për Ross, këto zhytje ofrojnë një shans të rrallë për të studiuar mjedisin në thellësi të oqeanit. /BBC
