Manchester Untied mund t’i duhet të shpenzojë pothuajse 10 milionë sterlina nëse do ta largojë Cristiano Ronaldon në janar.
Ronaldo u përjashtua nga ekipi para ndeshjes me Chelsea-n, mes pretendimeve se ai refuzoi të futej në fushë në fitoren e javës së kaluar ndaj Spurs dhe duket se nuk do të luajë më asnjë ndeshje me Djajtë e Kuq.
Megjithatë, nëse United shpreson të heqë qafe para se kontrata e tij të skadojë në fund të sezonit, ata do të duhet të bëjnë një pagesë me tetë shifra.
Ronaldo do të fitonte rreth 9.6 milionë £ nga paga bazë deri në qershor, pavarësisht nga çdo pagesë bonus për ecurinë e ekipit në kampionat apo trofe të mundshëm.
Por United ka një hapësirë për të luftuar – opsionin për të prishur marrëveshjen e tij nëse ai me të vërtetë refuzoi të hynte si zëvendësues dhe kjo do të konsiderohej si një shkelje e kontratës.
Ekziston edhe mjeti i negociatave për ta lënë atë të transferohet te një klub tjetër për një shumë të vogël ose edhe falas – diçka që refuzuan ta bënin verën e kaluar.
Me Ronaldo-n që do të jetë 38 vjeç në shkurt, një zgjidhje do të ishte transferimi në MLS. Inter Miami i David Beckham është i etur për nënshkrimin e tij.
Megjithatë, duke qenë se Ronaldo ka arritur qartësisht në fund të rrugës në Old Trafford, ka besim në rritje se një marrëveshje mund të arrihet në fund të fundit.
Sunday World raporton se Chelsea po kërkon gjithashtu të shfrytëzojë mundësinë dhe t’i bashkohet garës për portugezin. Siç u zbulua nga SunSport në verë, pronari i Bluve Boehly është një fans i madh i Ronaldos.
Në atë kohë, trajneri Thomas Tuchel doli kundër blerjes së Cristiano Ronaldo-s, por tani është Potter është në krye të londinezëve.
Në atë kohë u fol për një ofertë prej 14 miluionë sterlinash nga ana e Blues, por tani drejtuesit e Manchester United janë të gatshëm të marrin aq sa munden për t’u liruar nga pesë herë fituesi i Topit të Artë.
