Viti 2022 është viti më i nxehtë i regjistruar ndonjëherë që nga viti 1800 në Itali. ”Rritja e temperaturave ishte pothuajse një gradë celsius më e lartë (0,96 ° C) se mesatarja e llogaritur në 30 vite, nga 1990-2020”, theksoi Bernardo Gozzini, drejtor i konsorciumit ”Lamma”, bazuar në të dhënat e CNR-Isac.
Rritja më e madhe është shënuar në temperaturat maksimale të cilat shënuan rritje prej 1,2 gradë Celsius. Në Evropë, megjithatë, që nga shtatori, 2022 është në vendin e tretë si viti më i nxehtë që nga viti 1800, ndërsa globalisht zbret në vendin e pestë.
”Italia duket se është në qendër të këtij ndryshimi klimatik”, nënvizon Gozzini. “Temperaturat midis gushtit dhe shtatorit ishin dy-tre gradë Celsius më të mëdha se mesatarja”, shtoi ai.
