Edhe pak ditë na ndajnë nga 2023 dhe në prag të ndërrimit të viteve kemi menduar për ju! Nëse jeni mërzitur nga filmat e njëjtë të Krishtlindjeve çdo vit apo nga programet televizvie të fundvitit ku nga viti në vit ndryshojnë vetëm veshjet e moderatorëve, kemi një tjetër alternativë për ju. Dhe kur themi një tjetër alternativë e kemi fjalën për diçka shumë ndryshe, larg bazikes dhe jemi të sigurtë që nuk do të zhgënjeheni!
Ju tregojmë një prodhim artistik i cili ka bërë bashkë historinë dhe humorin. Një film-dokumentar i cili sjell në vëmendje momentet dhe personazhet që kanë lënë gjurmë në historinë e Shqipërisë, por jo si një dokumentar i thjeshtë të cilin prisni me padurim ta përfundoni!
Duke ndërthurur të kaluarën me të tashmen, këta personazhe vijnë në një tjetër “dimension”. Përmes humorit dhe satirës, do të shohim se si momentet që kanë mbetur në memorien e çdo shqiptari dhe personazhet ikonikë ndër vite, do të duken nën “hijen” e personazheve që janë kthyer sot në “trend”. Për të mos ju bërë më konfuzë, po jua thjeshtësojmë me një fjali:
Historia e Shqipërisë e sjellë tek ju përmes “gjuhës së memeve”!
“Shqipëria 1.0”, do të jetë një pasqyrim i vendit tonë ashtu si shumica prej nesh e shohim: pa filtra, pa mitizime, pa mbivleresime dhe mbi të gjitha me shumë të qeshura.
Çfarë ju duhet më tepër këtë fundvit? Një film-dokumentar i pari në llojin e tij i cili “do t’ju bëjë dy të mira në të njëjtën kohë”. Edhe do t’ju njohë akoma më shumë me historinë e vendit tonë (kujtojmë që ende ka shqiptarë që nuk dinë vitin e shpalljes së pavarësisë), edhe do t’ju bëjë ta nisni vitin 2023 me shumë të qeshura.
LINKU: https://iknowedi.gumroad.com/l/shqiperia
