Deri në orët e mesditës pjesa më e madhe e territorit shqiptar do të jetë në mbizotërimin e motit të kthjellët dhe kalimeve të pakta të vranësirave, të cilat më të fokusuara do të jenë në Verilindje të vendit tonë. Sipas MeteoAlb, pas mesdite pritet që vranësirat e lehta dhe kalimtare të bëhen më të dukshme edhe në ultësirën perëndimore.
Temperaturat e ajrit do të rriten në mëngjes, por do të ulen lehtë në mesditë duke luhatur vlerat ditore nga 3°C deri në 16°C.
Era do të fryjë mesatarisht në det me shpejtësi 30 km/h nga drejtimi Jugor duke krijuar në brigjet detare dallgëzim 2 ballë.
