Reshjet e dëborës në zonat malore të vendit kanë ftuar të pasionuarit pas turizmit malor të ngjiten në majat e larta.
Kryeministri Edi Rama ndau sot pamje nga ngjitja e një grupi alpinistësh në malin e Krrabit në Pukë.
Rama duke i cilësuar pamje mbresëlënëse tha se mali i Krrabit në Pukë është një destinacion i preferuar turistik i kësaj stine.
Puka, në veri të Shqipërisë, 145 km nga Tirana, mbetet e preferuara e adhuruesve të malit, ajrit të pastër, qetësisë dhe frymëzimit nga natyra. Kjo qytezë alpine mbart në vete të gjitha opsionet turistike, për të mirëpritur pranë saj vizitorë vendas dhe të huaj.
Po ashtu Puka njihet për masivin e madh pyjor të pishave, me një sipërfaqe prej 400 hektarësh. Vetitë kurative të pishës janë të shumta. Puka shërben edhe si bazë për ushtrimin e alpinizmit, në malin e Munellës, Bjeshkët e Tërbunit dhe mali i Krrabit.
