Producentët e serialit Lord Of The Rings janë dënuar pasi një kalë ngordhi në xhirime. Amazon Studios zbuloi në një deklaratë se kafsha pësoi një arrest kardiak fatal gjatë xhirimeve për sezonin e dytë të serialit Prime Video Lord Of The Rings: Rings Of Power. “Ne jemi thellësisht të pikëlluar për të konfirmuar se një kalë prodhimi vdiq më 21 mars”, tha një zëdhënës i Amazon.
“Ngjarja ka ndodhur në mëngjes teksa kali po ushtrohej para provave. Trajneri nuk ishte me kostum dhe xhirimet nuk kishin filluar ende. Në atë kohë ishin të pranishëm si një veteriner ashtu edhe një përfaqësues i Shoqatës Amerikane Humane. Nekropsia e pavarur ka konfirmuar se kali ka vdekur nga dështimi kardiak”, shtoi ai. Burime pranë produksionit “Rings Of Power” i thanë Variety se kali pësoi arrest kardiak ndërsa qëndronte me rreth 20 të tjerë.
Prodcentëve u është bërë thirrje të mos përdorin kuaj të vërtetë. Kuajt për shfaqjen po siguroheshin nga Devil’s Horsemen, i cili ka punuar në produksione duke përfshirë Game Of Thrones, The Crown dhe Wonder Woman.
Ekskluziviteti i Lord Of The Rings është kritikuar më parë për trajtimin e kuajve të gjallë. Regjisori Peter Jackson u kritikua në vitin 2012 për prodhimin e “Hobbit: Një Udhëtim i Papritur” pasi pretendoi se tre kuaj ngordhën, së bashku me “gjashtë dhi, gjashtë dele dhe një duzinë pula”.
