Zikaltrit duan të ngrihen për të harruar Bologna, por edhe për t’i dhënë Lautaro Martinez një “dhuratë” të veçantë, që në “Dall’Ara” i mungoi. Në rast të suksesit të Interit ndaj Lecce të dielën, “demi” argjentinas do të arrinte 100 fitore në Serie A.
Jo një trofe, por një certifikim i mëtejshëm për “10” e zikaltërve, i cili ka luajtur 159 ndeshje në kampionatin më të mirë italian deri më tani, duke shënuar 71 gola. Ai është ndër golashënuesit aktivë me të paktën 50 gola të nënshkruar, vetëm Immobile dhe Ibrahimovic mburren me një mesatare më të mirë se 0.45 e tij.
Në të vërtetë në “Dall’Ara”, e vetmja dritë reale në retë e zikaltërve përfaqësohej nga fjalët e Lautaro, ato të një lideri që tashmë ndjen një peshë tjetër në krahun e tij, shiritin e kapitenit. Në fillim të javës, drejtori ekzekutiv lavdëroi publikisht Lautaron, i lidhur me Interin me kontratë deri në vitin 2026.
Në mes të javës, Javier Zanetti, një argjentinas që e kupton rolin e kapitenit të Interit, kujtoi aftësinë e tij për të demonstruar një ndjenjë përkatësie. “Fotografia” duket e vizatuar, e ardhmja e kapitenit është e përcaktuar. Gjithçka sugjeron se Lautaro do ta nisë si kapiten i parë sezonin e ardhshëm.
Tani për tani mund të jetë një vendim i diskutueshëm nëse kushdo që mban shiritin nuk e vendos fytyrën në të, por Interi i Inzaghit do të vazhdojë të preferojë kriterin e numrit më të madh të ndeshjeve të luajtura me atë fanellë.
Që nga vera, shumë të dhëna, duke përfshirë pensionimin e Handanovic, lamtumirën e Skriniar dhe shitjen e mundshme të Brozovic, tregojnë për faktin se “Toro” do të jetë kapiten në baza të përhershme. Kampionati botëror që fitoi, ndonëse jo gjithmonë protagonist, duket se i ka dhënë atij diçka ekstra në drejtim të lidershipit, që e plotëson tablonë…
