Drejtuesi Politik i Partisë Socialiste për Qarkun e Fierit, Taulant Balla prezantoi sot kandidaten e PS për kryetare bashkie në zgjedhjet e 14 Majit, Eriselda Sefën. Balla tha se me lekët e fushatës, PS do të mbjellë fidanë dhe sipas tij kjo është dhurata më e bukur që mund t’i japin Lushnjës.
Në fjalën e tij Balla tha se në katër vitet e ardhshme, puna e Sefës do të fokusohet kryesisht në infrastrukturën e zonës dhe bujqësinë, dy prioritetet për katër vitet e ardhshme, por sipas Ballës pa lënë pas transformimin e plotë të qytetit.
Balla i ndal edhe në disa projekte të parashikuara si unaza e Lushnjës, apo rikonstruksioni i spitalit të Lushnjës apo rikonstruksionin e shkollave e hapësirave sportive.
“Praktikisht kemi hyrë në fushatën zgjedhore një fushatë që unë do ju kërkoja sot të jetë e fokusuar tek një punë që do duhet ta bëjmë të gjithë në qytetin e bukur të Lushnjës dhe në gjitha njësitë duke mbjellë pemë, ne do mbjellim pemë të bukura sot këtu në lulishte dhe do vazhdojmë të mbjellim pemë në gjitha ato që kishim planifikuar se shpenzimet të kësaj fushate le ti dhurojmë Lushnjës në formën e pemëve luleve sepse mendoj që ajo që ka më shumë rëndësi në fund të këtij procesi është dashuri për këtë qytet të bukur, i cili ka hyrë në një fazë të re transformimi unë jam shumë krenar që bashkë me Eriseldën vetëm në një vit kemi arritur të sigurojmë punë dhe të fillojmë punë të rëndësishme për Bashkinë Lushnje dhe për qytetin e Lushnjës. Do të jetë Eriselda ajo që do të flasë gjerë e gjatë për këto projekte të rëndësishme të këtij transformimi të këtij qyteti dhe kësaj bashkie ku një peshë të rëndësishme zë vëmendja jonë për bujqësinë.
Lushnja si bashki, si pjesë e qarkut të Fierit ka kontributin më të rëndësishëm në prodhimet bujqësore shqiptare të cilat sot me krenari eksportohen në çdo cep të Europës dhe prandaj duhet që puna e Eriseldës në 4 vitet që do të vijnë duhet të jetë e ndarë mes kujdesit për infrastrukturën e përgjithshme të qytetit dhe gjitha njësive dhe të kujdesit për bujqësinë. Edhe këtu ajo që na mbetet ne është pjesa e kujdesit për infrastrukturën bujqësore kanale vaditëse, kanale kulluese dhe gjithçka tjetër që u nevojitet, rrugët e arave dhe gjithçka tjetër që u nevojitet këtyre banorëve të mrekullueshëm të Lushnjës. Nuk e fsheh jam gjithmonë e më shumë i dedikuar për të bërë më shumë punë të mira për Lushnjën sepse mendoj se këtij populli keq të mirë kaq punëtor i kemi borxh shume vite për punë të humbura që nuk i kishim realizuar në kohën e duhur dhe e vërteta është që ndërsa ne fioluam të hiqnim një prej plagëve më të mëdha të këtij qyteti sikurse ishte përroi i Lushnjës nuk kishte një qytetar të këtij qyteti që të mos na falënderonte.
Për pak ditë fillojmë edhe një prej arterive më të rëndësishme të këtij qyteti unaza e Lushnjes e cila ishte tërësisht e lënë në harresë por shumë shpejt do të kthehet në një arterie të rëndësishme të zhvillimit ekonomik dhe social të këtij qyteti. Për ne infrastruktura shkollore mbetet një prej investimeve më të të rëndësishme dhe Eriselda do të qartësojë më së miri të gjitha projektet tona për rikonstruksionet e shkollave krijimin e hapësirave sportive, palestrave, të cilat janë ilaçi i vetëm dhe i domosdoshëm për largimin e të rinjve nga veset e moshës. Ne do të vazhdojmë të investojmë në infrastrukturën sportive duke e bërë klubin e Lushnjes duke e bërë klubin e Lushnjës që të ketë më shumë kapacitete. Spitali i Lushnjes për mua është objektivi i radhës për ta transformuar atë në një spital, peshën e ka sepse ja japin stafi i mrekullueshëm por ja jep edhe nevoja që ka kjo bashki e madhe e cila është sa një prefekturë”, tha Balla.
