Shqipëria vijon të mbetet një nga destinacionet e preferuara nga turistët dhe këtë e konfirmon interesi i shtuar i vizitorëve të huaj në vendin tonë. Mediat prestigjoze gjithmonë e më shpesh po heqin paralele mes Shqipërisë dhe destinacioneve më të famshme e të lakmuara të turizmit nëpër botë. Më e fundit është gazeta e njohur britanike The Sun, e cila i quan Ishujt e Ksamilit në Sarandë, si “Maldivet e Europës”.
Artikulli i prestigjozes The Sun për Ksamilin:
Një britanike ka treguar se si i ka vizituar “Maldivet e Evropës” dhe pse ra në dashuri me këtë vend, Ksamilin. Për shumë njerëz, plazhet me rërë të bardhë dhe ujërat blu të pastër i bëjnë Maldivet një destinacion të listës së dëshirave. Por të udhëtosh atje nuk është gjithmonë aq e lehtë.
Fluturimet janë të gjata dhe tepër të shtrenjta, që do të thotë se njerëzit përfundojnë duke kërkuar alternativa më afër shtëpisë. Megjithatë, Tiktoker-ja e famshme britanike, The Travel Mum zbuluan se sa e lehtë është të arrish diku me pamje të ngjashme, pa pasur nevojë të largohesh nga Evropa dhe sigurisht, të shpenzosh shumë më pak.
Në një video të ndarë në TikTok, ajo tregon se si mund të shkoni në Ksamil të Shqipërisë , të cilën e quajti “Maldivet e Evropës” dhe saktësisht se çfarë mund të presin vizitorët.
Videot që ajo ka shpërndarë janë parë më shumë se një milion herë në Tiktok, ku ajo dhe familja e saj shihen duke shijuar plazhet me rërë me ujërat e bruzta, si dhe perëndimin e diellit në ngjyrë portokalli të thellë nga ballkoni i hotelit.
Për më tepër, plazhi ishte shumë i qetë, që do të thotë se pushimet e saj dukeshin të qeta dhe relaksuese. Njerëzit u mahnitën nga ajo që panë në video dhe thanë se do të konsideronin ta vizitonin vetë. “Uau një vend që nuk e kisha menduar kurrë ta vizitoja. Do doja të zbuloja më shumë për vendin.” Megjithatë, një komentues ishte i shqetësuar se sa e vështirë do të ishte të arrije atje, duke pyetur: “Si do të arrini atje? A është super e komplikuar?”
Në një video tjetër të veçantë , blogerja shpjegoi se si arriti atje shumë lehtë.
“Ne vazhdojmë të dëgjojmë për Maldivet e Evropës, kështu që le ta kontrollojmë. Ka disa gjëra që duhet të bëjmë për të arritur atje, e para është të marrim një fluturim për në Korfuz . Tani që jemi në Korfuz po i drejtohemi portit dhe po marrim një traget për në Sarandë në Shqipëri . Ne kemi rregulluar paraprakisht marrjen me qira të makinave, kështu që tani shkojmë në destinacionin tonë përfundimtar në Ksamil.” Përveç vendpushimit dhe sa e thjeshtë ishte për të arritur atje, blogerja ishte gjithashtu e kënaqur me faktin se sa e përballueshme ishte gjetja e akomodimit me vendndodhje të përshtatshme.
“Ne kemi rezervuar një apartament qendror me dy dhoma gjumi për vetëm 190 £ për gjashtë netë. Është një bazë e shkëlqyer për të shijuar plazhet e shumta të bukura, por edhe për të eksploruar disa vende të mrekullueshme afër. Sapo kemi shpenzuar 5 £ në supermarket për të ushqyer pesë persona. Ne jemi absolutisht të dashuruar me Shqipërinë .”- vijon ajo në videot e bëra virale.
Për ata që nuk janë të interesuar të marrin një traget nga Korfuzi, ka një mënyrë edhe më të lehtë për të arritur në Ksamil nga MB .
Linjat direkte lidhin Shqipërinë me Londrën, Mançesterin, Birminghamin, Bristolin dhe Newcastle dua vetëm 3 orë.-përfundon artikulli.
Lidhur me artikullin e The Sun ka reaguar edhe kryeministri Edi Rama, i cili shkruan se një tjetër yll i shtohet Shqipërisë.
