Këngëtari shkodran Luiz Ejlli ka takuar ditën e sotme kandidatin e Partinë Socilaiste për Bashkinë e Shkodrës, Benet Beci.
Ai ka dalë në krah të Benet Becit në Shkodër duke marrë pjesë bashkë me këngëtarin e njohur Frederik Ndoci në një takim me vajzat dhe djemtë e Shkodrës. “Lart e më lart. Do t’ju ndihmojë me të gjitha mundësitë që ka”, dëgjohet të thotë Luizi për kandidatin socialist.
Luizi I bashkohet në këtë mënyrë artistëve të shumë të cilët dalin në krah të kandidatit socialist Beci.
Gjatë qëndrimit në Big Brother Vip, Luizi e ka përmendur disa herë Benet Becin dhe ka deklaruar se është habitur nga mbështetja që ka marrë dikur nga ai, vetëm e vetëm pse ishte shkodran.
“Kur nuk të ndihmojnë ata që mendon se i ke pasur afër, si mund të pretendosh të të ndihmojë dikush vetëm pse është shkodran. Personi në fjalë quhet Benet Beci, një familje shkodrane që unë e njoh shumë mirë, dhe e kam marrë në telefon. Ma ka hapur telefonin direkt. I thashë çfarë ke mundësi ndonjë vend pune, unë do ta bëj. Më ka ndihmuar, më ka futur në punë direkt dhe i jam mirënjohës gjithë jetën” – ka deklaruar Luizi.
