Me birra, këngë, duke kërcyer dhe improvizime është festuar trofeu i kampionëve të Europës në dhomën e zhveshjeve të Manchester City-t. Një festë e papërmbajtur shpërtheu në stadiumin Ataturk të Stambollit pasi Manchester City mposhti 1-0 Interin në finalen e Champions League, ndërsa në qendër të festimeve ishte autori i golit të vetëm Rodri.
Ndërkohë në momentet e para pas disfatës një trishtim i madh mbërtheu 43 mijë tifozët e Interit të cilët ishin mbledhur në stadiumin San Siro për të ndjekur sëbashku finale.
Megjithatë tifozët zikaltër treguan se janë të veçantë dhe vetëm pas pak çastesh duartrokitën ekipin, që këtë sezon bëri të papriturën duke shkuar deri në finale të Champions League. Jo vetëm kaq, por në orët e para të së dielës tifozët e Interit ishin të mbledhur në ‘Piazza Dumo’ për të kënduar edhe pse në Stamboll skuadra nuk kishte shumë minuta që humbi finale.
