Që kur konkurrenti i ngushtë i Metas, Twitter u hoq nga tregu publik nga Elon Musku nëntë muaj më parë, vlera e kapitalit të kompanisë së rrjeteve sociale është rritur. Por kjo nuk ka mjaftuar për Mark Zuckerbergun. Të mërkurën, ai lansoi një konkurrent ndaj Twitterit, Threads, duke e inkurajuar menjëherë Twitterin të kërcënonte me padi.
Nuk ka provë më të mirë se operatori i Facebookut tashmë ka mposhtur konkurrentin e tij. Aksionet në kompaninë e Zuckerbergut janë trefishuar që nga 4 nëntori 2022, disa ditë pasi Musku mbylli marrëveshjen e tij prej 44 miliardë dollarësh për Twitter, duke e çuar kapitalizimin e tij të tregut në 750 miliardë dollarë.
Zuckerbergu ka bërë ndryshime në Meta të cilat kanë ndihmuar. Uljet e kostos do të rrisin marzhet EBITDA këtë vit në 50%, sipas vlerësimeve të Refinitiv. Analistët po parashikojnë se Meta do të rrisë të ardhurat e saj me pothuajse 9% këtë vit. Por një pjesë e rritjes së çmimit të aksioneve vjen nga mbledhja e vlerës nga Twitteri. Aksionarët publikë mund t’iu kenë bashkuar Metas pasi Twitteri u privatizua.
Ende nuk është e qartë nëse përdoruesit e Twitterit kanë lëvizur, por në këtë kuptim, Threadsi mund ta dëmtojë Metan më shumë sesa ta ndihmojë. Platforma shkarkohet lehtësisht përmes Instagramit dhe ndërsa faqja e mikroblogimit duket si Twitteri, kurimi i përmbajtjes së Threadsit bazohet, të paktën fillimisht, te ndjekësit nga Instagrami. Çdo përdoruesi të ri në Threads do t’i duhet kohë për të krijuar të njëjtën përvojë që mund ta marrë në Twitter.
