Ylli i Real Madridit, Arda Guler mund të presë më shumë për të veshur për herë të parë fanellën e “Galaktikëve”. Talenti turk është në dyshim për përballjen e tyre kundër Manchester United të mërkurën në mbrëmje në SHBA.
Guler humbi ndeshjen hapëse parasezonale të Real Madridit kundër Milanit të dielë si masë paraprake, pasi pati një dëmtim të lehtë muskulor. Përpara ndeshjes me Unitedin, Guler u rikthye në stërvitje me skuadrën, por sipas Cope, gjysma e seancës së tij ishte në palestër, duke treguar se ndjen dhimbje.
Guler ka bërë përshtypje në stërvitje që kur iu bashkua “mbretërorëve” duke treguar nivel të lartë. Ylli turk gjithnjë e më shumë duket sikur do të ketë një rol të rëndësishëm për të luajtur në sezonin e ri.
